15 يونيو 2007

شيخ فؤاد الجاي يخبَّرْكُم

أسألك ممكن يطول الأسى
والحقيقة الإنسانيَّة تضيع
كان مُحَيَّاك الودود اكتسى
ابتسامة من الدهاء الوديع
وابتسامة من جهاد مغمور
وابتسامة من الدفا والنُّور
يطلبوها ويرتاحوا لها الحَزَانَى *




وانتَ بتقولي في ساعة شجن

وبحياتك كلَّها بتقول* :

الفرح والكدب حبله قصير
والعذاب والصدق حبله طويل**


==

* من قصيدة "جودة سعيد الدَّيب"
** من قصيدة "النَّبض"
ديوان "أيام العجب والموت"

هناك 8 تعليقات:

sandrill يقول...

الديوان ده غريب ,, يمكن الديوان الوحيد لفؤاد حداد اللي لسه بمشي فيه و مش شايف إني قربت أوصل

Yasmine Adel Fouad يقول...

اه ياعم فؤاد
الصدق حبله طويل
بس احنا نفسنا بيقصر يا شيخنا

____________

هتخلينى اروح اطلع الديوان ده و اقراه تانى
فى حاجات كتير كانت عجبانى

صحيح ما تخليك جدع و ترفع اغنية " تجلى " مش عندى

غير معرف يقول...

محمد

عم فؤاد هو الشاعر اللي قدر يغوص في الشخصية المصرية من خلال شعره فعلا
هاطلع الديوان و أقراه برضه تحياتي يا محمد

محمد المصري يقول...


أحمد

وأنا كمان
بس هوَّ بس ؟؟

-

يمكن كمان هو أكتر ديوان ليه متعب في قرايته على المستوى النفسي ..


---

ياسمين

قلبى زيك يابنى بيعيَّط
منتبه للظلم إحساسه
بَسْ لا بينسى ولا بيغلط
إن قبلك فيه جدود قاسوا

بقولك إيه
"خلَّيك على طول الزمان أخضر"
وكل شيء هيساند عشان النفس يطول

-

بخصوص تجلَّي .. فأنا مش هتكلَّم أصلاً ! لإني قايلك م الأول إن ممكن يكون اسمها "وصلي" وفي ألبوم على فين ! وبعد ما بعتهالك قلتي لي دي عندي !

عموماً أنا حررت البوست فعلاً وضفت الأغنية عشان لو حد مهتم يسمعها ..

---

يحيى

إزيَّك ؟؟
بسأل بجد والله مش مجرد سلامات ، وحشني فعلاً بس ملخوم لشوشني ، خد بالك من نفسك وبرضه "خليك على طول الزمان أخضر" وافتكر إن "الصدق حبله طويل" ..
وسامحني لو كنت بعيد من غير ما أقصد ..

alzaher يقول...

أنا من عشاق فؤاد حداد
وبالمناسبة أحييك أو أحييكي على إختيار ديوان نور الخيال بالذات عنوانا لمدونتك

alzaher يقول...

"أنا والد الشعراء فؤاد حداد
أيوة أنا الوالد ويا ما ولاد"
لكم كنت أتمنى أن أكون واحدا من هولاء الأولاد

Unknown يقول...

موقع جديد للشاعر فؤاد حداد
تم تصميمه لتجميع كل أشعار هذا الشاعر الكبير في قاعدة بيانات واحدة
.. الهدف - حتى الان - لم يتحقق بعد فالشاعر - الله يرحمه - كان غزير الانتاج

أرجو من أعضاء المنتدى المهتمين الدخول الي الموقع و بالذات صفحة الشعر
و ارسال اي ملاحظات - إيجابية أو سلبية - على الموقع
سواء محتوى أو شكل أو طلب
وذلك للنقاش داخل هذا الموضوع و ذلك لتطوير المستوى العام للموقع

http://www.foadhaddad.somee.com

أرجو المشاركة .

Unknown يقول...

موقع جديد للشاعر الجميل فؤاد حداد
به تجميع للعديد من نصوص أشعاره
كذلك يمكنك تحميل عدد من أجمل الأغاني الخاصه به

http://www.foadhaddad.somee.com/

و شكرا