21 يونيو 2007

تخلف ظلك في كل لفظ وفي كل معنى


ومرَّ المَسَاء ، وكادَ يغيبُ جبين القمر
وكدنا نشيَّعُ ساعات أمسية ثانية
ونشهد كيف تسير السعادة للهاوية
ولم تأتِ أنتِ … وضعت مع الأمنيات الأخر
وأبقيت كرسيك الخاليا
بشاغل مجلسنا الذاويا
ويبقى يضج ويسأل عن زائرٍ لَم يجيء
وما كنت اعلم أنَّك إن غبت خلف السنين
تخلف ظِلَّك فِي كُلَّ لَفْظٍ وفي كل معنى
وفي كل زاوية من رؤاي وفي كل محنى
وما كنت اعلم انك أقوى من الحاضرين

مبحبَّش شهر يونيو !
بياخد حاجات كتير كويَّسَة ويسيب ذكريات كتير سيَّئَة !
ممكن أمارس طريقة الكتابة التقليدية على النسق الأربعيني وأقول إن الشاعرة الرقيقة لم تتحمل قسوة الواقع ورحلت في صمت كما غابت طوال السنين السابقة في صمتِ أيضاً ..
بس أنا مش عايز أقول كده ، أنا عايز أقول إني مضايق ، مضايق عشان كل شيء بيتسرسب من تحت إدينا .. شوية قدر على شوية غباء على شوية خيانة بيرسموا في النهاية خريطة موسعة لوطننا العربي السعيد !

الست دي كانت ركن أساسي في تغيير خريطة الشعر العربي في النص التاني من القرن اللي فات بأثر وتأثير يمكن مفيش حد بيشاركها فيه غير بدر شاكر السياب وخلال رحلتها الإبداعية القصيرة بحساب الكم سابت ظل سيبقى "في كل لفظ وفي كل معنى" .. عنها .. عننا .. عن شوية بسمات قليلة وحبة دموع كتيرة !

==

غور بقى يا يونيو من غير ما تاخد حاجة تاني معاك

==


الله يرحمك يا نازك

--

الصورة : لنازك الملائكة
الأبيات : من قصيدة "الزائر الذي لم يجئ"

هناك 5 تعليقات:

مصرى يقول...

للأسف مابعرفش أكتب في المناسبات سواء فرح أو حزن

نازك الملائكة شاعرة من اللي أثروا في مسار الشعر و النقد شاعرة مبدعة للأسف
عرفتها متأخرا

السنة دي و اللي فاتت كانوا سنتين حزينتني

أحمد رزة و أحمد نبيل الهلالي و فؤاد قاعود و رؤوف عياد و محمد عودة و الدناصوري و دلوقتي نازك الملائكة أرجو إني أكون مانستش حد

alzaher يقول...

رحلت كما يرحل اليوم في بلاد الرافدين كل شيء يمت للجمال بصلة
فسلام على بغداد
وعلى العرب السلام
:(

مصرى يقول...

اللي مضايقني فعلا يا محمد إن نازك الملائكة جابوا خبر صغير في صفحة الثقافة و الكتب و في نفس العدد كان في صحفي إسمه محمد زايد أو زيد مات عملوله الصفحة السابعة كلها
ده في الأهرام و باقي الجرايد تجاهل تام ما عدا جريدة العربي على حد علمي حتى المصري اليوم ماحد جاب سيره

mano يقول...

www.goonflash.com

the best flash games on out site

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول