08 فبراير 2008

كل اللي عاشوا في حضرتك حلوين


أجمل ما في الشعور الذي أمر به الآن هو أنني أرى مصر .. حلوة بجد

ليسَ لأننا فُزنا ولكن لأن هذا الفوز جعلنا نرى مصر بشكلها الحقيقي

مصر المصرية ربما

" لما كنت برقص مع عيال معرفهمش حوالين العلم من شوية في جامعة الدول وعمالين نحضن بعض ونلف وندور بهستيرية .. كنت شايف وحاسس مصر بتبتسم ، مش أهل مصر .. مش شوارعها .. مش بيوتها .. مصر نفسها كانت بتبتسم "

اعرفي يا مصر نفسك

في اللي غنَّى للبنفسج

واللي يغزل واللي ينسج

واللي يفلح في الغيطان


نحنُ كبار بالفعل

ليسَ بضربة حظ

وليسَ لأن الآخرين صغاراً بل ربما هم - كما كنا نراهم - عمالقة

نحن كبار .. لأننا كبار

ومصر جميلة ومدهشة

تمتلك دائماً أفضل مما نراه منها

وتنالُ في الغالب أقل بكثير مما تستحق

هناك 29 تعليقًا:

محمد المصري يقول...

مكسَّل بس أعدَّل البوست

الشعر والعنوان لفؤاد حدَّاد طبعاً

أحمد منتصر يقول...

كلامك حلو يا عم المكسل :)

يَحيى المِصري يقول...

بس يا أخي سبحان الله كوت دي فوار تلعب و مصر تجيب إجوان

بس فرحان أوي و كنت خايف جدا لغاية ما جبنا الجون التالت

مابحسش إن الكورة مهمة أوي كده غير لما مصر تلعب

يللا عقبال النهائي بقى نكسب أربعة برضه

يَحيى المِصري يقول...

يا محمد الحضري كان غريب و الدفاع كانوا قدائيين و عمرو زكي كان دينامو بصراحة
ماحدش يقدر ينكر فرق القوة و السرعة و المهارة بين لعيبة مصر و كوت دي فوار
بس الحماس و الفدائية اللي كان بيلعب لبيها مصر كانت فوق أوي اللعيبة كانوا كلهم عاليين كنت بقول لوالدي لو مصر لعبت بالروح دي ضد البرازيل ممكن تكسبها

يَحيى المِصري يقول...

و اللي ماقدرش أنساه بصراحة
حسن شحاتة ده معلم بجد
عجبتني أوي إبتسامته اللي لقطها المصور في آخر الماتش أول مرة أشوفه بيبتسم في البطولة دي

مها يقول...

أصل كان لازم نفرح ..مش مهم إحنا كبار ولا صغيرين ولا إية
كان لازم نفرح ..إحنا بنفرح مرة كل سنتين من المباريات دى ..فلازم نفرح
:))))
دايما كنت بؤمن بمعجزات صغيرة ..زى ان يجيى فى الإمتحان الفصل الوحيد اللى أنا مذاكراه ..النهاردة كنت شايفة معجزة حقيقية كبيرة قدامى
و عرفت أؤمن بشدة فى المعجزات الكبيرة
كنت فاكرة ان زمن المعجزات انتهى فعلا ...

قمرة يا بلدى
:))))))

أنـــا حـــــــــرة يقول...

انا مليش فى الماتشات ، بس اعتقد هشوف النهائى لان اهداف امبارح عجبتنى

انا بحب بقى اتفرج ع البرامج بعد الماتشات و هى جايبه الناس فى الشواره بقى انت عارف احنا عيله محافظة و الماتشات دايما بالليل
:)

بحب اتفرج ع الاعلام و الناس بتهيص و سعيده .. بحب فرحة شعبنا اوى


شعبنا لما بيفرح ما بيخبيش ، بيقول بجد


يللا بقى حبة حماس على هتافات


مصـــــــــــــــر
مصـــــــــــــــــــــــر
مصــــــــــــــــــــــــــــر


ياريت بقى حد يشغلنا اغنية شيرين
" ما شربتش من نيلها "

عطشان يقول...

امبارح و انت بتتفرج على الماتش كنت تحس إن اللاعيبة بتلعب بإستقتال واحد زى احمد حسن اللى مش بحبه ولا بتعتبره بيلعب كوره بس كنت فرحان بالغل اللى كان بيلعب بيه
الأسبوع اللى فات بشرى كان بيكلمنى عن ماتش كوديفوار مع غينيا ... كان قاعد بيمدح فيهم بطريقة مستفزة
و كان بيقولى حرام إن مصر تكسب الفرقة دى بجون كفتة :s
بعد اللى حصل امبارح لاقيت نفسى بضحك و اصوت و ادمع و اجرى
و فرحت قوى فى دروجبا هو مكسور من بعد اللى عملوا فى ماتش غينيا لما جاب الجون كان منظرة مستفز لأعلى درجة

Nsreen Bsunee يقول...

فرحااااانه

"دور جواك تلقاها هى الصحبه وهى الاهل"

ايه الفرحه اللى انا فيها دى بجد قلبي بيرقص من جوا

المكسب ده مكانش عادى ده نقله كبيره للكوره فى مصر ولوضع اللعيب المصرى افريقيا وعالميا كمان

احنا فعلا كبار اوى الحمدلله

عقبال يوم الاحد الفرحه تكمل ان شاء الله

Cognition-sense يقول...

حلو الإحساس ده

كان واحد زميلي بيقوللي امبارح إن لما نزل على الشارع بعد يوم الماتش شاف الناس كلها ماشية مبتسمة
ولما تيجي عين حد في عينه كان بردو بيفضل مبتسم

حلو الإحساس ده بجد

مبروك لمصر

مش لأهل مصر
مش لشوارعها
مش لبيوتها...

لمصر نفسها

مصطفى اسماعيل يقول...

الماتش ده كان المنتخب فعلن عظيم
وكل لعيب طلع كل اللى عنده
بغض النظر عن العقيم احمد حسن
والنجس ابن النجس " على حد تعبير اللى كان قاعد جنبى عالقهوة"

وطبعن ابوتريكة اللى كان فاكر نفسه بيلاعب تليفوانات ابو رواش

باقى اللاعيبة ممتازة

شفت الحظ يا واد
ماردتش انزل يوميها جامعة الدول مع اصحابى
اشوفك بقى يوم الحد
:)

أنـــا حـــــــــرة يقول...

سموا كده بقى عشان الماتش النهاردة
على رأى عادل امام
سمى و اقرأ قرآن

:)

appy يقول...

طيب حلو قوى يا رب النهارده كمان يبقى كده والناس اللى بتقول يضحكوا على عقول المصريين بفرحه زائفه وبيبعدوهم عن همومه يطبطوا بقى ويسكتوا

يَحيى المِصري يقول...

مش عارف ليه يا محمد مش متطمن

أنـــا حـــــــــرة يقول...

لو كنت حاولت ترد عندى فى بوست شريف ابقى روح تانى عشان انا بغبائى كنت قافله الردود


انا فعلا حمارة .. جدا

يَحيى المِصري يقول...

هيييييييييييييييييييه

مها يقول...

مبروووووووووووووووووووك يا محمد
مبروووووووووك لينا يا جماعة
طبعا زمانك دلوقتى بترقص فى جامعة الدول العربية و أنا بتفرج ع القناة التانية فى بيتنا ..!!
مش كنت رحت الجورنال ..!!

..
ألفين ستين مبروك علينا كلنا يا حبايب مصر

Cognition-sense يقول...

مصر بطلة أفريقيا لسادس مرة أعتقد صح؟
:)

مبروووووك

أنا بجد مبسوطة
:)

HafSSa يقول...

الف الف مبروك الكاس عليك يا محمد
ما هو اصل انت اكتر واحد تستحقه على كمية الايجابية اللي مغرقني بيها دي
تحياتي يا زمل بالضمة على الواو

Nsreen Bsunee يقول...

مبروووووووووووووووووووووووووك

مبروك مبروك مبروك مبروك

:)

يارب البطوله الجايه كمان يحيي ميكونش متطمن
:)
:)


مبروك يا محمد ومليون بوسه وحضن طبعا انت فى جامعه الدول واحتمال تطلع ع المطار ومتروحش البيت غير بكره ترجع بالسلامه

محمد المصري يقول...

مثلاً الناس سعيدة وشاطرة مش بليدة وقريبة وبعيدة بتحضن بعضها

مثلاً مفيش جراح والخنقة بقت براح وأنا لو تعبت أرتاح في حضن قلبها

مثلاً الكون جميييييل والنيل بقى ألف نيييييل وطن ملوش مثيل في الدنيا كلها

--

من واحدة من أهم أغنيَّاتي المفضلة في الحياة الدنيا "من حقنا نحلم" لوجيه عزيز وعلي سلامة

محمد المصري يقول...

ألف مبروك لينا كلنا يا جماعة بجد

يمكن التتويج الحقيقي بالنسبة لي كان من ماتش كوتديفوار عشان كده نزلت البوست ده بعديه ومستنتش للنهائي ، طبعاً كان فيه قلق طبيعي من ماتش نهائي .. إمبارح أصلاً إننا كسبنا بضربات الجزاء وشادي محمد جاب لنا آخر ضربة وإيتُّو ضيَّع :) ، بس كان فيه ثقة حقيقية إنك هتكسب وده الوضع الطبيعي ، مش عشان كسبتهم في أول ماتش .. بس عشان انتَ فعلياً - ومعاك كوتديفوار - أحسن من كل فرق البطولة بمراحل

انتَ الفريق الوحيد تقريباً اللي معندوش أي عيوب في أيًّ من خطوطه .. انتَ أقوى هجوم في البطولة مع كوتديفوار وأقوى دفاع مع غانا .. انتَ اللي بتقدم مستوى وروح مبهرين بالفعل خلاك تتفوق حتى على فرقة أحسن منك زي كوتديفوار ، في حين إن الكاميرون كان عندها مشاكل واضحة في خط الضهر والاعتماد بشكل أساسي على إيتو .. لو خدتوا بالكم في ماتش النهاردة هتلاقوا إن إيتو هدف كل لاعبي الكاميرون كل ما الكورة تكون معاهم ! فبقى السيطرة عليهم إنك تمسك إيتو كويس عن طريق شادي محمد وتظبط وسط الملعب بحيث إن الكورة متوصلوش أصلاً .. وده طبعاً تم بنجاح عن طريق حسني عبد ربه وأفضل لاعيبة الماتش على الإطلاق أحمد حسن

أحمد حسن فعلاً كان أكتر من رائع ، كنت بكلم مصطفى قبل الماتش وبقوله إني عموماً بحب أحمد وبحترمه .. وفي ماتش الكوتديفوار تحديداً لعب دور مهم جداً في ظبط وسط الملعب وكان مقاتل على الكورة بشكل حقيقي ، هو مكنش مقتنع ، بس جه النهائي أثبت كلامي .. قوة وعزيمة ولعب بطول الملعب ..

يمكن اللحظات القليلة اللي خفت فيها على البطولة كانت قبل جون أبو تريكة بخمس دقايق ولحد آخر الماتش .. وحتى الجون مطمنيش أبداً ، وده خلاها أصعب مباراة على صعيد الأعصاب حتى لو مكنتش الأصعب أو الأقوى كأداء - الكاميرون تقريباً معملش علينا ولا هجمة خطرة -

في الوقت ده كانت اللياقة البدنية لأحمد حسن وحسني عبد ربه ابتدت تقل بشكل واضح ، فابتدى الكاميرون يمسك كورة في نص الملعب بدون خطورة حقيقية على المرمى بس بكثافة أكتر كتير من قبل كده ، خرج عماد متعب اللي كان مميز جداً في الأماكن اللي بياخدها والتحركات اللي بيعملها ونزل زيدان .. ومع نزوله هو وعمرو لوسط الملعب زادت سيطرة الكاميرون ومعملناش هجمات حقيقية زي الستين أو الخمسة وستين دقيقة الأولى

بعد الجون بقى
حسن شحاتة خرَّج عمرو زكي وأبو تريكة ونزل شوقي وإبراهيم سعيد ، تأمين دفاعي مفهوم طبعاً ، بس اللي كنت بفكر فيه ومقلتوش لحد من اللي كانوا بيتفرجوا معايا على الماتش إن لو لا قدر الله الكاميرون كان دخَّل جون كان الوضع هيبقى إنك بتلعب بمحمد زيدان بس قدام مع قلة لياقة واضحة من كافة لاعبي الفريق بشكل عام وحسن وحسني بشكل خاص .. خصوصاً إن شوقي أداءه كان مهتز في الشوية اللي نزل فيهم

بس الحمد لله بجد

يمكن دي أكتر بطولة أفرح بيها رغم إن في مرحلة وعيي خدنا تلات بطولات ، وهي برضه أهم بطولة نفوز بيها على مدار تاريخنا ، أولاً لإنك مفزتش لضعف المستوى زي عام 1998 أو بسبب الحظ والتوفيق والحضور الجماهيري زي 2006 ..

ثانياً إنك قدمت مستوى مبهر بكل المقاييس ، كنت بقول إن ده أفضل أداء للمنتخب أشوفه في حياتي .. يعني أفضل أداء في العشر سنين اللي شفتهم ، كنت بكلم أحمد سندرل - اللي بالطبع بيفهم في الكورة عني - وكان بيقول إن ده أفضل أداء كروي في تاريخنا .. أنا مصدقه طبعاً لإنه أداء مبهر ومدهش بكل المقاييس

ثالثاً : لإن المستويات نفسها قوية ، صحيح كل منتخب تقريباً كان ليه عيوبه ، بس مجملاً ففيه تطور واضح في الكورة الأفريقية في الدورة دي ، يكفي إنك خدت البطولة من بق واحد من أعظم المنتخبات الأفريقية اللي لعبت كورة في يوم من الأيام زي كوتديفوار وعن استحقاق تام وواضح

رابعاً : للمرة التانية على التوالي أحسن حارس مرمى بيكون من المنتخب .. وأحسن لاعب بيكون من المنتخب

وده أسعدني بشكل شخصي لإن حسني عبد ربه أحسن لاعب كورة في مصر في نظري وبيزداد فخري بيه لكونه من الإسماعيلي طبعاً :)

ألف مبروك لينا كلنا مرة تانية

محمد المصري يقول...

فرحة الناس هيَّ اللي مدهشة بجد

سواء اللي تعرفهم أو اللي متعرفهمش ، فكرة إنكم فجأة كلكم بقيتوا مبسوطين لسبب معين بس خلق فرحة حقيقية

مش عايز أتفلسف

بس ده في نظري اسمه انتماء واسمه هوية واسمه الالتفاف حوالين هدف واحد

"الناس سعيدة وشاطرة مش بليدة وقريبة وبعيدة بتحضن بعضها"

طظ في كل حد شايف إن دي تفاهة وشيء لا قيمة له ، يكفي إنه يفرَّح الناس بالشكل ده عشان يبقى حاجة قيَّمَة فعلاً

أنا مبسوط بالكاس

واتبسطت أكتر لما شفت انبساط الناس

محمد المصري يقول...

تعليقات سريعة :

يحيى

هيييييييييييييييييييييييييه

:)

أوسو

على فكرة أنا زي بشرى مكنتش هبقى راضي لو كسبناهم بجون كفتة ، كفاية التكويس اللي حصل في 2006 ، صحيح كنت هبقى مبسوط ومصر ومش عارف إيه بس مكنتش هبقى راضي كده ، لإن أنا كمان منبهر جداً بكوتديفوار وبعتبره واحد من أفضل المنتخبات الأفريقية اللي شفتها بتلعب كورة ، وده مش عشان ماتش غينيا اللي ملعبوش فيه إلا في آخر عشرين دقيقة ، لكن عشان ماتش مالي اللي كانوا فيه مرعبين جداً وبيكسبوا واحد من أفضل فرق البطولة بثلاثية وبدون بذل مجهود كبير

بس في ماتشنا ، يمكن مش منطقي إن الماتش يخلص أربعة خصوصاً إنهم لعبوا ولعبوا بالأوي وواحد زي عبد القادر كيتا طلع عينينا ، بس مجملاً إحنا نستحق الفوز .. يمكن مش أفضل منهم في العموم بس بنلعب بروح أقوى وكل واحد بيطلع كل اللي عنده

ومجملاً مفتكرش إن بشرى أو أي حد هيختلف في إننا خدنا البطولة دي عن استحقاق تام

---

مها

جزء من فرحة البطولة إنك كسبتها وانتَ كبير ، ده شيء مش قليل على فكرة ومش قصدي بيه غير الاستحقاق ، الاستحقاق اللي كان مفقود في 2006 مثلاً

عارفة يا مها المعجزة فين ؟؟

المعجزة في إنك تعرف إنك كبير

ده اللي كسبك على الكاميرون في الماتش الأول .. وده اللي كسبك على كوتديفوار في قبل النهائي

إنك مش خايف وإنك تقدر

ده بقى مسني أنا بشكل شخصي ، زاد إيماني إننا ناس كويسين أوي وممكن نبقى أحسن ناس في الدنيا لو جتلنا فرصة صغيرة

الله يبارك فيكِ يا قمر

طبعاً نزلت جامعة الدول .. كنت تعبان جداً ، عندي برد ومهمَّد ومدغدغ إضافة لتوتر الماتش بس لما نزلت فقت كتير .. كنت بتفرَّج في الأول وبعدين دخلت جوا المشهد ، أساساً اللفة حوالين العلم دي فيها نشوة رهيبة .. بتقل مع تساقط الشباب السيس واحد ورا التاني عشان الدوار فأضطر أقف .. مع إن الدورا بتاع النهاية ده هو المراد يعني :)

عقبال الكاس الجاي بقى

---

عزَّة

آه صح إحنا الجدعان للمرة السادسة

:)

مبروك ليكي انتِ كمان طبعاً يعني

هو الموضوع إيه غير شوية انتماء وشوية انبساط وشوية فرحة مع الناس ؟

---

حفصة

إحساس مميز أوي على فكرة إن حد يباركلي ع الكاس :)

ربنا يخليكي يا بنتي والله

ألف مبروك عليكي وعلينا كلنا

---

نسرين

مش قلتلك وشك حلو :)

أنا لسه راجع من شوية صغيرين .. مرحتش المطار عشان كنت تعبان وفي نفس الوقت نازل إسكندرية بعد كام ساعة إن شاء الله فمش هينفع أفضل مواصل كل ده .. مانا قايلك يا متوولة انتِ

ألف مبروك يا نسرينة .. ومليون بوسة وحضن فوق البيعة كمان :)

بحب السيما يقول...

اولا مبروك لمصر الفرحة الكبيرة
ثانيا انا فعلا يامصرى كنت شايف ان كوت ديفوار هى الفرق الاحق بالبطولة ديه وكنت بشجعها زى مصر ويمكن اكتر بس الحقيقة ان ماتشهم معانا وبعد كده ماتش الكاميرون التاريخى خلانى اؤكد على كلام سندرل واقول ان ديه اعظم بطولة جابها منتخبنا وان ده افضل اداء شفته للمنتخب فى حياتى على مدار 18 سنة كورة وان بركة حسن شحاته او روح المنتخب استحالة كانوا يبقوا هما السبب فى الفوز بطولتين ورا بعض ولكن اللاعيبة ديه فعلا عندها امكانيات فنية كبيرة جدا
دلوقتى الكلام على اللى جاى .. هل ممكن بعد الانجاز العظيم ده مانروحش كاس العالم اللى جاية ؟
انا شايف ان البطولة المفروض تعمل نقلة تاريخية لمنتخب مصر .. نقلة زى اللى حصلت للسنغال 2000 وكوت ديفوار 2006
عموما مش عايزين نسبق الاحداث وخصوصا ان اللعب التقيل ( بطولة القارات والتصفيات الحقيقية ) بعد سنة من دلوقتى وخلينا نفرح بالليلة الكبيرة

عطشان يقول...

الماتش كان جميل اوى فضلت ماسكهم اكتر من 70 دقيقة و الكورة مش راضية تدخل
لغاية ما نزل زيدان و دخل مع سونج فى حرب لغاية ما كسبها بجون لتريكة على رأى عصام الشوالى ريح ع الأريكة و اعملك مزيكا :)
عارف إن البطولة دى عاملة زى بتاعت 98 كل الناس كلنا كنا بنقل إن مصر اخرها دور ال8 بس فعلاً طلعوا رجالة و كان ليهم رأى تانى .
اللاعيبة بتاعتك مستواهم عالى واحد زى الحضرى 35 سنة و بسم الله ما شائ الله لياقة و مرونة عالية اوى .
هانى سعيد كنت بشكك فيه بس طلع اد المسئولية ... احمد فتحى كان قافل اليمين بقفل محدش يفحه غيره هو و وقف قدام عمالقة بص برضوا راحوا لطنط تيتى
حسنى و بلا شك يستحق احسن لاعب فى البطولة لأنه كان بيموت نفسه لأخر دقيقة لو حد غيره كان خادها كنت حزعل اوى .
احمد حسن عجبنى فى ماتش و هو قاعد يقطع الكورة و مش خايف حد يدخل يشيله كان راجل
تيجى بقى لأبو تريكة اللى كل الناس بتقول إنه ماكنش بيعمل حاجة يا جدعان ابو تريكة كان رمانة ميزان هو اللى كان بيفتح من ورا لقدام كفاية إنه اللى جابلك البطولة .
زيدان هو زيدان بس الفرق هو الجنسية الواد ده لو راح نادى عالى غير هامبورج مستواه حيبقى عالى اوى
مبروك يا مصرى

السهروردى يقول...

بعيدا عن الفرحة اللى كنت أتمنى إنها تبقى حقيقية أكتر من كده بحاجة أكثر حقيقية من الكورة
أنا كنت عايز أقول إنى ماأقدرتش أرد عليك فى مدونتى فبعت لك إيميل على الإيميل اللى أنت سايبه فى البروفيل

ودمتم يا عمنا
:))

HafSSa يقول...

يلا
مستنياك تكتب عن الاوسكار و توابعه و مين كسب ايه لاني معرفتش اشوف الحفلة

تحياتي

mano يقول...

www.goonflash.com

the best flash games on out site