المطرقة ناحت على السندان
اتقسمت كتل الحديد قضبان
الرأسمالي بيملك الآلة
الرأسمالي بيسجن الإنسان
الرأسمالي بيملك الآلة
أغلال على استغلال على بطالة
يجعل حياتك يا فقير عالة
ويموَّتَك ويبيع لك الأكفان
اتقسمت كتل الحديد قضبان
الرأسمالي بيملك الآلة
الرأسمالي بيسجن الإنسان
الرأسمالي بيملك الآلة
أغلال على استغلال على بطالة
يجعل حياتك يا فقير عالة
ويموَّتَك ويبيع لك الأكفان
أنا نفسي مش متأكد إذا كان التضامن ده ليه معنى ولا لأ ، بس اللي متأكد منه إني وكتير غيري عايزين نعمل أي حاجة - أيًّ كانت بسيطة .. أيًّ كانت صعبة - للناس دي ..
في الأمنية والأمل
في الشارع المفتوح
في الشارع اللي اتقفل
وبين رصيف وسطوح
وبين كراسي وموائد
وفي الاحترام والحب
على إيدين الوالد
في الماء نبع ويصب
وفي حضور الصبح
وفي اجتماع القمة
لازم تعيش المقاومة
في الشارع المفتوح
في الشارع اللي اتقفل
وبين رصيف وسطوح
وبين كراسي وموائد
وفي الاحترام والحب
على إيدين الوالد
في الماء نبع ويصب
وفي حضور الصبح
وفي اجتماع القمة
لازم تعيش المقاومة
--
- الأبيات لفؤاد حدَّاد
هناك 10 تعليقات:
مش قصدي أيأسك
يس مضيت عليه زي اللي قبله بتاع منع أعمال احفر تحت المسجد الأقصى زي اللي قبله اللي كان ضد بنا الجدار العازل و زي اللي ضد الحرب على لبنان و زي اللي ضد الحرب على العراق و زي و زي و لسه هامضي
على فكرة ده مش يأس بس هو القرد بيتنطط و لا بطل تنطيط على رأي رامز
لا يا يحيى مش مسألة تيأسني أو أيأسك ، أنا من الأول قلت إني مش متأكد إن كان كل ده ليه معنى ولا لأ
بس عموماً مش شرط إن اللي بيحصل يخلق حالة تغيير حقيقية في مصر قد ما هو إشارة لإن فيه حاجة بتتحرك فعلاً ، تحرك العمال وخضوع الحكومة ليهم ده شيء يدعو للتفاؤل بشكل مباشر بصرف النظر عن أي تنظيرات حوالين الموضوع
ده بالنسبة لتحرك العمال
بالنسبة للتضامن ، أنا شخصياً مش بوقَّع على أي بيان والسلام ، ومش مستني فعلاً إن يحصل فرق بتوقيعات الناس اللي هتشارك في مبادرة البحيري ، بس التضامن ده تحديداً مهم :
أولاً : لإن زي ما قلت فيه كتير مننا عايزين يعملوا حاجة للناس دي حتى لو كلمة إحنا معاكم من خلال وسيط إلكتروني
ثانياً : لإن البحيري نفسه واحد من ضمن المتهمين بإثارة الشغب ، وجود توقيعات والتفاف حواليه هو صوت بيوصله وبيوصل للعمال المتهمين على الأقل ، بيحسسهم إنهم مش لوحدهم وإن كتير من المهتمين بالشأن العام في مصر عندهم استعداد لتقديم مساعدة أو أبسط ما في الأمر تضامن شفهي ..
ثالثاً : لإن الإنترنت بدأ في إنه يصبح وسيلة ضغط حقيقية بخصوص قضايا التغيير في مصر - سيبك من تهجيص رفض حرب العراق ولبنان والكلام ده - ، صحيح إن ده مازال بشكل محدود بس مع الوقت والممارسات ممكن يكون وسيلة من ضمن الوسائل اللي بتزق ع الطريق
كل دي أسباب منطقية - في نظري - للتوقيع على التضامن
---
سيبك بقى من كل ده وتعالى لإنك تيأسني ده
عيب عليك
انتَ تعرف عني إني بيأس ؟؟
أنا بتاع النور اللي موجود دايماً يا أستاذ :D
الله عليك يا رفاقه
يسلم فمك يارفيق
القرد بيتنطط و الامل حي
و التغير جي
و الله حي الله حي :P
تحياتي
بسم الله الرحمن الرحيم
الإجابة هى إن القرد بيتنطط
:))
يعنى أنا عموما بطلت أمضى وأقول وأرفض وأحتج وأعلق على الأحداث بإبتسامة هادئة
بس ده لا يعنى أن أنا وأى حد زيي سلبى بل على العكس أنا لو فى إيدى دور أنا شايفه أكثر مساعدة أكيد حأعمله، ولما أطلب من مساعدة مادية للأسرة العسكرى اللى اتسجن عشان رفض يحرس سفارة إسرائيل ما اتأخرتش
أى كان
طبعا أنا مع العمال ووراههم من أجل تحقيق مطالبهم
لكن أفضل الإستمرار بالمراقبة فيما ستؤل إليه الأحداث والأمر فى الآخر راجع للعمال وطول نفسهم مش لينا
ملحوظة : الصورة الأولانية أنا شايف فيها ناس رافعه مصاحف هو أنت جايب صورة لمظاهرات الأخوان ولا إيه ؟
والصورة التانية والله أعلم برضه مالهش دعوة بالعمال لأنها فى ميدان التحرير
:))
الأبيات المنشورة في البداية هي مطلع قصيدة" عمال الشوربجي" لشاعرنا العظيم فؤاد حداد. وهي جزء من قصيدة طويلة كتبها الشاعر في عام 1953 حين التقى فى سجن مصر ( قره ميدان) بالعمال الذين ألقي القبض عليهم أثناءالإضراب في مصانع الشوربجي في ذلك الحين. ولكن القصيدة تقول:"المطرقة ناحت على السندان" ولا تقول "لاحت" كما كتبتم. أرجو التصحيح
يساري مصري
أكيد :)
السهرودي
عموماً اتهام أي حد لأي حد حالياً بالسلبية سذاجة منقطعة النظير ، لا يجوز على أساسها إلا إنك تقوله الله يسهلك
أي حد في الجيل ده لو حس بوجود شيء حقيقي ممكن يعمله .. هيجيب نتيجة بدون متاجرة بيه ليجني آخرين الثمن ، هيعملها فعلاً
وإن كنت زي ما قلت ليحيى ، شايف إن في أهمية للتوقيع على التضامن ده ، صحيح إن الموضوع ليه علاقة أساسية بالعمال وقدرتهم على الاستمرار بس متنساش قدرتك انتَ على الدعم .. المعنوي بالأساس والمادي إذا لزم الأمر
أنا شخصياً أكتر موقف فرحني في وسط كل المظاهرات اللي حضرتها كان يوم التعديلات الدستورية .. الاعتصام بتاع نقابة الصحفيين واحد عدَّى من جنب النقابة وقالي أنا ومجموعة أصحابي ربنا معاكم يابني .. وراح ماشي
ده في نظري مكنش سلبي بأي حال من الأحوال ، هو عمل اللي يقدر عليه وفي حدود امكانياته اللي هو شايفها .. حتى لو كلمة تخلينا نحس إن كل اللي بنعمله - على صغره وبساطته - واصل فعلاً
صدقني الدعم المعنوي مش بسيط أبداً
أنا أعرف ناس راحوا المحلة خلال اضراب العمال .. لما بيحكوا عن رد فعل العمال لوجودهم وتصويرهم واهتمامهم ودعمهم والجو اللي كان هناك بقولهم - على طريقة هشام عبد الله في الطريق إلى إيلات - : يا ريتني كنت معاكم .. يا ريتني كنت معاكم :)
---
بخصوص الصور فالأولى معرفش فين .. بس التانية فعلاً كانت في ميدان التحرير
أنا كنت أقصد شعور المقاومة الموجود في الصور ، مش كونها خاصة بالعمال
بالمناسبة - للجميع - مدونة البحيري فيها تغطيات وصور وفيديوهات مهمة جداً للموضوع من أوله ، أتمنى تطلعوا عليها ..
يالمناسبة - للسهرودي - : يبقى فيه غلطة في بيت لفؤاد حداد ومتاخدش بالك .. عيب عليك :)
تحياتي يا ريَّس
نوَّرت
المجهول
تصدق أنا من ساعة ما قريت القصيدة .. وحفظت أجزاء كتير منها كنت دايماً بقراها "لاحت" مش "ناحت" ! .. مش عارف ليه الحقيقة !
أنا فعلاً كتبت الأبيات من الذاكرة ولما رجعت للديوان لقيت إنها ناحت ..
شكراً جداً جداً على تصحيحك لقرايتي للبيت نفسه مش بس كتابتي ليه
www.goonflash.com
the best flash games on out site
off white clothing
kyrie irving
kyrie spongebob
golden goose official
golden goose superstar sale
إرسال تعليق