28 مايو 2007

إحساس بالانتماء

- إحساس عدم الانتماء لراجل واحد ده مشكلة !


- انتِ عبيطة يا بنتي ؟!


- آه ! ليه ؟؟!


- محسساني إنك صندوق تنمية اجتماعية ! ، حد يقول كده
عموماً أنا فاهم قصدك بس ده مسموش عدم انتماء لراجل واحد ، بصي كل واحد مننا بيكون ليه أحلام أكيد في الحد اللي هيرتبط بيه .. أنا مثلاً عايزها شبة فيفان لي – أو فاتن حمامة ! – وتكون مثقَّفة ورومانسية وبتحب فيلم Casabalanca وفيلم Gone With the Wind
وبتسمع أم كلثوم وفيروز وليلى مراد وبتقرا لبهاء طاهر وفؤاد حدَّاد ويكون اسمها مريم ! ، بس الحقيقة إن أول ما تخبط في الحد اللي بتقرر من غير ما تحس إن هو ده اللي هتكمل معاه بترمي كل ده على جنب ومبتقعدش تِسَنْتَر وتوازن بين اللي انتَ عايزة واللي انتَ ارتبطت بيه ومبتقعدش تقول "لأ أصل الحتة دي مش موجودة ، لأ أصله لازم يتغير في الجانب ده" .. بتاخده كده زي ما هو وبتدرك حقيقة مهمة وهي إن ارتباطك بالحد ده في صفحة التاريخ أكبر شوية من طبخة بتحدد مكوناتها زي ما انتَ عايز ، المهم تحسي وتختاري إن هوَّ ده البني آدم اللي انتِ ممكن تكمَّلي معاه وساعتها الانتماء هيحاوطِك زي لحافِك في ليالي الشتا الباردة .. كده من غير ما تاخدي بالك ، أخف من شكَّة الدَّبُّوس !

هناك 7 تعليقات:

Mirage يقول...

باختصار الحب اعمى

فقد تجد الذى تحبه وهو لايحب اى شىء من الاشياء التى تفضلها انت ولكنك تجد نفسك غرقان ودايب فيه والحب مقطع بعضه

اصل الحب مبيعرفش لاكازبلانكا ولاذهب مع الريح

أنـــا حـــــــــرة يقول...

ياوه هو كده بالظبط
يمكن علشان كده مش مؤمنة بمواصفات فارس الأحلام
بقول دايما هقول طويل و .. و ...
و لو شوفت واحد ملوش علاقه باللى فى بالى و قلت هو ده و لا هفتكر انا كنت عايزة ايه

الحب زى الأوبرا إحساس
مش اقرار كتابى

بس برضه ساعات عدم الانتماء لراجل واحد بيكون سخيف و بيشك زى الدبوس برضه

يعنى لحظات الحنين انت عارف
بتوجع


تعالى عندى يمكن تحس بفرق
مش عارفه

ازيك ؟

احدهم يقول...

ها ها ها

احب انى احيط علم سيادتك انك عندك امتحانات ثانوية عامة

ولسه بتدخل نت





ليا عودة بس على الله الاقيك مستنينى

مصرى يقول...

محمد

مافيش إنسان تفصيل يعني ما ينفعش واحد يحط مواصفات لواحدة و يقول لو غير كده بلاش أو العكس ساعة ما بيحصل التوافق بتتلاشى كل المواصفات الموجودة

بس عايز أقول كلمة حرة

الحب زى الأوبرا إحساس
مش اقرار كتاب

فعلا كلمة عاجباني جدا

تحياتي ليك و لحرة

احدهم يقول...

قطع الحب وسيرة الحب
ده فرج كل الدنيا عليا








بطلوا تهييس على بعضكم بقى وروحوا انتحروا
انتم مستحملين حياتكم كدة ازاى

امرأة من عبير الورد يقول...

ممكن أقول انه أحساس وحش جدا ان المرأة متنتميش لرجال واحد ..و لما تحس بالشعور ده يبقيأكيد فيه حاجة غلط ...يا تستسلم و تبقي لكل حد يا تحدد و تدور و تدافع عنه و تكون ليه هو وبس ... و المشكله ان كلنا فينا عيوب مبنقدرش ديما نتخلص منها

arab girlscool يقول...

This is such a nice addition thanks!!!
شات صوتي شات صوتي
عرب كول
شات صوتي مغربي
دردشه صوتيه
انحراف كام
منتديات منتديات عرب كول