1
"طاهرة ، متفتكريش إننا لما نتجوّز هتعبك بطلباتي زي ما بيحصل بين بقيت الناس ، أنا مش عايز أتجوّزك عشان تطبخي لي ولا عشان تكوي لي هدومي ، أنا عايز أتجوزّك عشان ده هيخليني مبسوط من غير ما أعوز أي حاجة تانية من الدنيا ، وانتِ هخليكِ تستمري في دراستك لو عايزة ، هفضل أشتغل عشانّا ، هآكل برّة لمّا تكونِ مشغولة ، الحاجة الوحيدة اللي نفسي فيها إني أقدر أسعدك وأخلَّيكِِ مبسوطة ، انتِ بتحبّيني مش كده ؟؟"
2
"أنا صاحِب يوسف ، في الحقيقة أنا رئيسه ، ارفعي المصباح عشان أشوفك ، أنا مشفتش يوسف ، على الأقل خليني أشوفِك انتِ ، مش هتقولي لي اسمك ؟ مش هتخلّيني أشوفِك ؟"
3
"أنا هحكيلك على حاجة حصلت لي بعد ما اتجوّزت بشوية ، حوالي سنة 60 كده، وقتها كل حاجة كانت ملخبطة في حياتي ، كنت غضبان وحاسس إن مفيش فايدة ، عشان كده قررت أخلص من كل حاجة ، طلعت يوم قبل الفجر وخدت معايا حبل في العربية ، ومشيت "لميرانا" لحد ما وصلت لمزرعة توت ، وقفت هناك وكان لسه الصبح مطلعش ، رميت الحبل على الشجرة بس ممسكش فيها ، مرة واتنين وتلاتة ، آخر ما زهقت طلعت في الشجرة وثبّت الحبل جامد ، لحظتها حسيت بحاجة ناعمة تحت إيدي ، كان توت ، كلت واحدة .. اتنين ، كان حلو أوي ، كلت تلاتة أربعة ، فجأة شفت الشمس وهيّ بتشرق فوق الجبل ، الشمس طلعت ونوّرت كُل الخُضرة اللي كانت حواليا ، وفجأة برضه سمعت الأطفال وهما رايحين لمدارسهم ، وقفوا بصولي وقالولي أهزّ الشجرة ، هزتها ، وقع التوت عليهم وفضلوا يكلوه وهما بيتنططوا ، حسيت لحظتها إني مبسوط ، خدت شوية توت معايا وروّحت بيهم ، كانت مراتي لسه نايمة ، ولما صحيت كلنا التوت سوا وكانت هي كمان مبسوطة ، حَبّة توت أنقذوا حياتي .. تخيّل ؟ ، الحزن والمشاكل والوجع والعجز كلها أشياء رهيبة ، بس فيه حاجة أسوأ من كل ده ، الموت ، لما تقفل عينيك عن العالم ده ، عن كل الجمال وعجايب الطبيعة ونعم ربنا ، ده معناه إنك مش هترجع مرة تانية ، بيقولوا إن الآخرة أجمل .. بس مين جه من هناك عشان يقولنا ؟ ، الحياة أجمل من الجنّة"
4
"طاهِرَة ، طَاهِرَة ، أنا مش هقدر أرجع تاني عشان أشوفك ، لو عايزة جاوبيني دلوقتي ، متفكريش زي جدتك ، الجدات مش بيفكروا غير بعقلهم وبيحسبوها بالراجل الغني اللي عنده بيت وفلوس ، بس التفاهم والحُب مطلوب برضه ، أنا عايز أعيش معاكِ ومش عايز أي حاجة تانية من الدنيا ، ربنا يشهد عليّ ، مش عشان جمالك ولا عشان أي حاجة تانية ، فيه بنات أجمل منك .. فيه بنات أحسن منك .. ممكن أتجوّز أي بنت منهم بس أنا مش هعمل كده ، أنا عايز أتجوّزك انتِ ، جاوبيني ، تعالي نتجوّز ونعيش مع بعض ، هنكون إيد واحدة ونبني بيت جديد ، لو عايزاني قولي آه عايزاك ، طَاِهِرَة .. رُدّي عليّ !"
5
وراء تلك النافذة يرتجف الليل
والأرض تكف عن الدوران.
وراء تلك النافذة شيء ما غامض:
قلق لي ولك.
يا من كله أخضر
يداك اللتان مثل ذكرى ملتهبة
ضعهما بين يدي العاشقتين،
وشفتاك
كأنهما إحساس دافئ بالوجود
ضعهما برفق على شفتي العاشقتين.
ستأخذنا الريح معها
