09 فبراير 2010

كَأفضلِ ما يُمْكِن

Dedicated to Fiona Sullivan



- أنا مش فاهمهم هنا والله ، إزاي ميرضوش يدخلوني ويدخلوكِ انتِ بالجلابية اللي انتِ لابساها دي !!؟

- ... !! ، مفيش فايدة

- استني بس متمشيش ، أنا مقصدش

- ....

- متبصليش البصّة دي

- امدحني ، دلوقتي وبسرعة !

- نعم !!

- امدحني ! ، الطوب اللي بتحدفه ده بيجرح مشاعري ، وانتَ بتعمل كده دايماً ، المديح بقى إنك تقول حاجة كويسة في الشخص اللي قصادك ، وانتَ عمرك ما عملت كده .. بس هتعمله دلوقتي يا إما همشي

- طب .. مُمكن نُطلب حاجة الأول ؟!

- وحياة أمي لو مقلتليش دلوقتي حاجة كويّسَة فيّ وانتَ تقصدها هقوم أمشي

- .....

- ها ؟ أنا مستنيّة !

- طَيّب ، أنا عندي ليكِ مَدِيح .. تُحفة ، وحقيقي جداً

- والله خايفة تكون طوبة جديدة من بتوعك

- بلاش تتشائمي كده ، ده مش طبعك ، أنا هقولها

- ؟

- ،أنا عَندي ... انتِ عارفة يعني مرض مُزمن ، الدكتور اللي بروحله بيقولي إن بين 50و60% من اللي عندهم الحالة دي ، حبوب الدوا لوحدها كافية كعلاج ، أنا بكره الحبوب .. الحبوب شيء قَذر "بوضوح" ، عشان كده مبستخدمهاش ، المديح بقى.. إن في الليلة اللي قلتي لي فيها إنّك ... انتِ فاكرة يعني انتِ قلتي إيه ، المديح ، إني في اليوم اللي بعدها على طول ، ابتديت آخد الحبوب بانتظام وأنا بَجِز على سناني

- ومفروض أعتبر ده مدح ليّ إزاي يعني ؟

- انتِ مش فاهمة !

- فهّمنِي !!

- انتِ خلتيني عايز أبقى بني آدم أحسن

هناك 3 تعليقات:

غير معرف يقول...

رائع وجميل التعبير

لكن من هو الأصلي ، هل سيناريو الفيلم أم السيناريو الذي وضعته أنت ؟؟؟

شاب فقرى يقول...

عجبتنى أوى أوى أوى المديح اللى فيها
واللى عجبنى أكتر
وصفك للحبوب بإنها قذرة
لأنى بقول عليها نفس الكلمة

تحياتى
شاب فقرى

محمد المصري يقول...

المَشهَد مِن فيلم
As Good as it gets

التّحوير بس في بعض جُمَل الحوار عشان تناسِب تَرْجمة عامِيَّة ، خلاف كده ده سيناريو الفيلم طبعاً