يجدر بنا الآن ونحن لازلنا في ظلال أفراح الخامس من يناير .. وعلى أعتاب معركة الجمعة العصيبة ، أن نجلس معاً حول المائدة المستديرة .. نعيدُ متابعة أمجاد ذكرياتنا في الماضي .. ونبتسم في تفاءل – غير مصطنع – بانتظار المستقبل الباهر
اليوم : السابع من يناير 2007
الحدث : مباراة الأهلي والإسماعيلي
المكان : استاد القاهرة الدولي حيث يلعب الأهلي وسط جماهيره
الإنجاز : اتفرح يا معلم
أقول قولي هذا وأردد :
الله
الوطن
الإسماعيلي
اليوم : السابع من يناير 2007
الحدث : مباراة الأهلي والإسماعيلي
المكان : استاد القاهرة الدولي حيث يلعب الأهلي وسط جماهيره
الإنجاز : اتفرح يا معلم
أقول قولي هذا وأردد :
الله
الوطن
الإسماعيلي
هناك 17 تعليقًا:
محمد مش عارف أنا قولتلك إنت و لا قولت لمين بس رغم إني ماليش في الكورة بس مقتنع إن معظم قوى الخير و القيم و الحق هي قوى بصورة ما مضادة للنادي الأهلي لذلك رغم إني آخر مرة إتفرجت فيها على كورة مصرية كانت في كاس الأمم الأفريقية اللي فات أنا مش بحب النادي الأهلي
خلي بالك أنا قولت معظم ماتودوناش في داهية عيلتي كلهم أهلوية
هييييهه
هههههههههههههه
هوهوهوهوهوهوهوهو
هاهاهاهاهاهاهاههاها
هعهعهعهعهعهعهعهعهه
هع هع هع هع هع ههع
هيك هيك هيك هيكه كهي كي
ههىء هىء هىء هىء هىء هىء
هييييييييييييييييييييييييييييييييييييييييييه
هههوووووووووووهووووو
....
الاهلى خده
ما كنتش اعرف انك زى بشرى يا مصرى
بس ع العموم اوعى تنسى بركات فى الإسماعيلية :p
خد بالك يا محمد علشان انت كده بدأت تصفرّ فعلاً
دي حركة صغيرة متجيش غير من ناس صغيرين حتى لو كانت تهريج .. طبعاً مش محتاج أقولك إن الكلام ملهوش أي علاقة بأني أهلاوي
لما تكسب الأهلي هيص و زيط و اتريق براحتك على الآخر .. بس لما تحتفل بذكرى سنوية لفوزك على فريق تاني أياً كان الفريق ده فده معناه إنك راجل غلبان قوي و انت مش كده
تعمل إيه لو عيل أنونيموس بتلاتة تعريفة عمل عندك كومينت بلينكات ماتش الستة مثلاً .. ساعتها حتعرف إن انت اللي صغرت نفسك
عايز تشجع الاسماعيلي شجعه .. بس راقب نفسك دايماً علشان متصفرّش و انت مش واخد بالك
متعملش كده تاني :((
لعيب يا حموكشة ، وده شيء من المنطقي الاعتراف بيه :)
وأنا بحب اللعب الجميل
--
بس لو عايز نتكلم جد فأنا مش بس نزلته عشان لما بتفرج على الماتش ده بفرح - وده سبب كافي بما إنها مساحة شخصية لحضرتي - ، لكن الأهم عشان بحبه .. الإسماعيلي في الماتش ده عمل كورة عالمية أوي .. زي كورة الأهلي في 2005 كده .. فلما يكون الفريق بتاعي اللي عامله وعلى منافس تقليدي زي الأهلي في ظروف زي ظروف الماتش ده ، فده شيء يستدعي الانبساط بصرف النظر عن إن دي الذكرى السنوية للهزيمة النكراء ولا لأ
بس انتباه بقى يا كابتن عشان نعرف أتوبيس كام رايح فين
انتَ عندك حق فعلاً في أغلب الكلام اللي قلته .. إحنا بنفرح أوي لما الأهلي بيخسر .. وبنفرح لما بنكسب الأهلي - خصوصاً لو اقترن ده بفعل المرمطة زي الماتش بتاع 7 يناير - كإنها بطولة في حد ذاتها
بس ده ليه ؟؟
بلاش سفسطة واختصار الموضوع في إن جماهير الإسماعيلي - تحديداً - فرحانة بماتش زي ده فده معناه إن الأهلي كبير .. وإن الفرقة دي وجماهيرها هما اللي غلابة عشان يا عيني فرحانين بماتش يتيم كسبوه
ده وجه من الوجوه ممكن حضرتك تشوف منه المسألة
في وجه تاني - ميقلش في جديته أو هزله - بيقول إنك خدت من الفرقة دي لعيبة عملت أساس التيم اللي انتَ كسبت بيه بطولات تلات سنين .. بركات والشاطر وعبد الله والنحاس ، ومن قبلهم بيبو ومن بعدهم أحمد فتحي
بقالك سنتين مش خسرت ماتش .. وعمال تقول إنك الأهلي المرعب .. الأهلي الأسد .. الأهلي اللي مبيخسرش
وبعدين تلعب بكامل فرقتك .. على ملعبك ، وتخسر بالشكل ده .. تلاتة صفر .. تاخد على قفاك من الآخر ، ولو شفت الفيديو التاني هتلافي إنك كان ممكن تخسر ستة فعلاً
ده ماتش ظروفه خاصة وميتنسيش بصرف النظر عن الاحتفال بذكراه السنوية من عدمها - اللي انتَ عارف طبعاً إنها تهريج -
تعالى بقى حضرتك لنقطة تانية وهو التيم ده نفسه ، اللي غلب الأهلي في القاهرة
دلوقتي فات سنة ، حسني عبد ربه تم التعاقد معاه وحصلت المشكلة الشهيرة .. سيد معوَّض وقَّع للأهلي في اليومين اللي فاتوا - بصرف النظر عن تجميد الصفقة بس انتوا هتموتوا عليه فعلاً - .. وعمر جمال عمالين توسوسوا في ودانه عشان يوقَّع
دول قوام الفرقة الأساسي
لما تيجي بقى تتكلم عن الكبير والصغير يبقى شوف اللي انتَ بتعمله في تدمير مستمر لفرقة بتعمل أحسن كورة في مصر .. يعني إيه بتختصر كل شيء في الفلوس ، تقيم احتراف بيعمل على مصلحة فرقتين في مصر وبيدمر باقي الفرق .. زي إنك تعمل سوق اقتصاد رأسمالي حر بدون أي ضوابط ، اللي بيحصل ده تدمير وتخريب للكورة في مصر ومش في مصلحة أي حد
يووووه
مش عايز أكبر الموضوع وأوصله للوجود البروليتاري في مصر :)
بس اللي أقصده فعلاً يا أحمد إن الوضع مختلف - بتكلم عن جمهور الإسماعيلي وباقي الفرق بشكل عام .. مش عني - .. ولما تتكلم عن جمهور الفرق دي مهم - حضرتك بالذات يعني - تكون فاهم وانتَ بتتكلم عنهم ومتختصرش الوضع في إنهم جمهور غلابة فرحان بماتش ومش عارف إيه
عني أنا بقى
فهؤلاء هم أهلنا - كما قال الرفيق لينين -
أنا نزلت الماتش هنا عشان بحبه وعشان بفرح فعلاً لما بشوفه وبحس بالانتصار
فلو ده بيعني إني بَصْفَرّ ، معنديش مشكلة في تفسيرك
يحيى
الله ينوَّر عليك
--
رامز
ربنا يضحكنا يا ابني كمان وكمان
--
أوسو
دي أول مرَّة تزروني وليك واجب الضيافة
فبلاش نختلف أوي
بس ع العموم : مين اللي عمل بركات يا عم ؟ :)
منوَّر
محمد
ازيك
شفت يا محمد
اهئ اهئ اهئ
ده عياط على فكره
سيد معوض يا محمد
اهئ اهئ اهئ
راح الاهلى
والله الكومى ده متوالف مع قوى الشر على راى يحيى
منه لله بقى
بالنسبه للبوست فا ده العادى يا معلم الاهلى ياما اتسحل بس هما الاهلاويه عشان الكام سنه اللى فاتو نسيو الماضى الاليم
تحياتى يا محمد
مش ممكن يا محمد .. ردك أبشع من البوست
أولاً بلاش المحاكاة الأسلوبية دي علشان بتغيظني مش عارف ليه
ثانياً أنا متكلمتش في الكورة يبقى بترد عليا بكلام في الكورة ليه .. أنا ميهمنيش لا الأهلي ولا الاسماعيلي أنا يهمني سيادتك
و كون إن ناس بيشجعوا فريق معين يتصرفوا و يفكروا بطريقة صغيرة فده مش معناه إن النادي نفسه صغير .. أكيد يعني الاماعيلي مش فريق صغير في مصر
أنا معاك يا فندم إنك من حقك تفرح و لو بشكل مبالغ فيه بفوزك على الأهلي و إنك تغضب و لو بشكل مبالغ فيه لخسارتك .. بس متحولش الفوز لعيد سنوي ولا الخسارة لموقعة كربلاء .. أنا عارف إنك بتهرج طبعاً بس صدقني حتى التهريج بالطريقة دي آخرته مش كويسة و ده اللي خلاني أرد عليك مش أكتر
يعني إيه ناس تعمل مسيرة احتجاج علشان لعيب سايب الفرقة و رايح الأهلي .. المشكلة إن الجرايد بقالها أسبوع بتقول الراجل رايح الزمالك و العملية كانت ماشية بيس و محدش معترض .. كده يبقى انت عندك مشكلة
نيجي لكلامك في الكورة و لو إن صدقني مكنتش عايز اتكلم فيها بس بجد يا محمد كلامك تعبان .. ميطلعش من واحد زيك يعني .. يا ريت متدخلش سايت الاسماعيلي كتير
انت بتقول لي عماد النحاس و إسلام الشاطر و محمد عبد الله و محمد بركات عملوا أساس الفرقة اللي سيطرت على الكورة في مصر التلات سنين اللي فاتوا .. ركز في كلامك تاني كده
أولاً هل انت مصدق بجد إن محمد عبد الله كان جزء من أساس فريق الأهلي ؟ تقدر تقول لي هو لعب مع الأهلي كام شوط بالظبط
طيب كده فاضل تلات لعيبة .. في فرقة بتبني أساسها على تلات لعيبة .. يعني هل أنا أقدر أقولك إنك باني أساس فرقتك على فضل و هاني سعيد و أحمد سمير فرج و بكده يبقى خلص الموضوع
طيب هل أنا أخدت التلات لعيبة دول منك .. التلاتة جايين من السعودية يا بوب .. حتقول لي أنا اللي عملتهم و وصلتهم للمستوى ده حقولك تبقى عايش الوهم .. عماد النحاس كان موجود في المنتخب لما كان لعيب في أسوان و إسلام الشاطر شرحه لما كان في الأوليمبي و بركات كان من أهم المواهب في مصر لما كان في السكة الحديد .. ده غير إن الشاطر و بركات تحديداً اتطوروا بشكل ملحوظ في الأهلي .. مين كان يتخيل مثلاً إن لعيب زي بركات يلعب باك يمين و بكفاءة تامة لدرجة إنه ياخد المركز ده في المنتخب
نيجي لوهم الفلوس .. انت مصدق بجد إن الاسماعيلي معندهوش فلوس أو إنه ميقدرش يدي لنجومه الفلوس اللي حياخدوها في الأهلي .. بالمناسبة الأهلي كان بيفاوض النحاس و بركات قبل ما يروحوا الاسماعيلي و راحوا الاسماعيلي علشان عرض فلوس أكتر .. طيب بلاش الاسماعيلي .. هل الزمالك ميقدرش يدفع المبالغ دي و ياخدهم ( و طبعاً في الحالة دي جمهور الاسماعيلي حيعتبر إنهم اتنقلوا من أوضة النوم لأوضة الصالون ) .. الموضوع بعيد خالص عن الفلوس .. بس سهل إنك تقعد تقول أنا حلو و جامد بس الشيطان بيستغل فقري و يوسوسلي .. و بعدين لو هو ده المبدأ ليه مبتفكرش إن الهيكل الأساسي لفريقك قائم أساساً على نجوم الفرق الصغيرة .. ما تبطل توسوسلهم و سيبهم في حالهم و وريني حتلعب كورة ازاي .. الكورة كدة يافندم .. اللعيب الكبير لازم يلعب في فرقة كبيرة
بالنسبة لموضوع السوق الرأسمالي أنا معاك إن في خلل في توزيع الدخل الناتج عن نشاط الكورة في مصر و إن الخلل ده لو اتعدل كتير من الفرق الصغيرة حتبقة حالتها المالية و بالتالي مستواها الفني أحسن بكتير .. بس انت كده بتوقع نفسك في وهم تاني .. مستحيل تعتبر إن الاسماعيلي ضحية في السوق الرأسمالي ده .. الاسماعيلي غول أساسي في السوق بلا أي شك و لو بسبس لأي لعيب في فرقة صغيرة حييجي جري .. كون إنه مش على نفس مستوى الأهي مادياً فده شيء طبيعي و منطقي و حيفضل موجود و أظن إنك معندكش اعتراض عليه
صدقني يا محمد أنا مش مبسوط و أنا بقولك كلام بديهي زي ده
بعد ما تقرا امسح الردين بتوعي و الرد بتاعك و لو عندك حاجة تقولها قولهالي على القهوة .. و اتنيل ذاكر
نسرين
عيَّطي يا بنتي عيَّطي :)
هو آخر حاجة أعرفها إن الصفقة اتجمدت بعد اعتراض مجلس الإدارة كله عليها
بس حتى لو ده حصل .. سنة ولا اتنين وسيد هيلعب في الأهلي
امتى إحنا بقى يبقالنا كام سنة جامدين ننسى بيهم الماضي الأليم ؟؟
:)
تحياتي أنا كمان يا ستي
أولاً : هيَّ المحاكاة كانت مفتعلة أوي كده ؟؟ ، بنتعلَّم منك يا كابتن أكيد يعني :)
بخصوص فكرة الاحتجاج على انتقال سيد .. مرة تانية ياريت تشوف الموضوع بوجهه نظر الناس - وده والله اللي كان يهمني في ردي عليك أساساً - .. كام لعيب الأهلي خده وكام لعيب الأهلي هياخده ، ودي النقطة اللي كنت بتكلم فيها أساساً ، مش حوار كروي .. أنا بتكلم عن فرحة الناس أو غضبها اللي حضرتك استعجبت منه مرتين .. أنا فاهمه ومستوعبه وشايف إنك مش فاهمه
مكنتش أقصد إن محمد عبد الله كون قوام الفرقة ، طبعاً ده مكنش واضح في الجملة اللي قلتها بس اللي كنت أقصده هما التلاتة الأساسيين .. النحاس والشاطر وبركات ، وخلطت ده بتحديد اللعيبة اللي خدها الأهلي من الإسماعيلي ، وأعتقد إن آه ممكن قوام الفرقة الأساسي يعتمد على تلاتة لعيبة .. يعني عندنا في الإسماعيلي هيكون قوام فرقتك حسني وسيد وعمر جمال .. في الأهلي ده كان جزء من قوام الفريق الأساسي بشكل واضح
لما تلعب مع الفريق ده على ملعبه بكل الخلفيات دي - خصوصاً إن الأهلي بقاله سنتين مخسرش - وتكسبه تلاتة صفر .. ده شيء مش هيتنسي
ياريت تكون وصلت بقى للي أقصده عشان متعودتش أقعد أشرحلك قصدي كتير .. وبما إن حضرتك اتكلمت عني من البداية
بالمناسبة أنا شخصياً ضيقي كان هيفضل زي ما هو لو كان معوض راح الزمالك .. الفكرة بالنسبة لي ملهاش علاقة خالص بالنادي المنتقل إليه بما إني شايف الفرقتين هما المستفيد الوحيد من نظام الاحتراف في شكله الحالي ، ومين الجرايد اللي فضلت أسبوع تتكلم عن انتقال سيد للزمالك ؟ ، اللي أعرفه إنه من البداية والصفقة رايحة للأهلي بناءً على رغبة الكومي وعلى رغبة اللاعب نفسه ، بس مجملاً متحاولش تحطني في إطار التناقض بتاع اللعيب يروح الأهلي يبقى كخه ويروح الزمالك يبقى بيس .. عشان ده مش عندي
--
بخصوص بقى الفلوس
آه أنا مصدق تماماً وهم الفلوس ، لو مكنش فلوس يبقى إيه المبرر إن كل ما لعيب كبير يطلع في فرقتك تبيعه ؟؟
أنا مش شايف مبرر تاني .. ومش مقتنع بصراحة بفكرة إن الفلوس اللي في الإسماعيلي - أو في أي نادي آخر - قريبة - بأي شكل - من الفلوس اللي في الأهلي والزمالك
وبعدين ممكن أفهم ليه كل ما فريق كبير فعلاً يطلع في الإسماعيلي .. يتسرسب ورا بعضه ويروح الأهلي ؟؟
سواء انتَ محتاجه أو مش محتاجه ، عايزه أو مش عايزه ، المهم إنه ميفضلش في الإسماعيلي
انتَ شايف القرف ده بيعمل أي تنافس حقيقي ؟ طب ما انتَ نفسك قرفان من فكرة احتكار الأهلي للبطولات .. ما هو لازم الاحتكار ده يفضل طول ما انتَ بتلعب في دماغ كل لعيب كبير يطلع في فرقة بتعتبر من منافسيك الأساسيين ، وبتجيبه فعلاً سواء عن طريق مباشر أو عن طريق محلَّل
مش ده تناقض ؟؟
اللعيب الكبير لازم يلعب في فرقة كبيرة
طيب .. ما انتَ قلت إن الإسماعيلي فرقة كبيرة ! وبعدين لو هو بحر سمك وكل لعيب يطلع في فرقة أقل يروح لفرقة أكبر وبالتالي يوصل للأهلي .. طب ما نلغي الكورة في مصر طالما بتفتقد لمقومات قيامها بأي شكل
أنا شخصياً متفهم تماماً للي بيعمله الإسماعيلي في إنه يجيب لعيبة من فرق أقاليم صغيرة ويكبرها ويخليها من أحسن اللعيبة في مصر ، مش عشان ده الإسماعيلي لكن عشان الفكرة في حد ذاتها منطقية تماماً أيًّ كان الفريق اللي بيعملها
لكن مش متفهم ولا مستوعب أبداً فكرة إن اللعيبة دي بعد ما تيجي وتبقى كبيرة فعلاً .. يروح الأهلي واخدها حتى لو مش هيستفيد منها ، اللفة كده بقت مملة أوي يعني
وعلى الأقل لما الناس تضايق بزيادة .. تفرح بزيادة .. تطلع تتنطط بعد الأهلي ما يخسر ، نبقى فاهمين وشايفين مبرر لده .. حتى لو مش وافقنا عليه ، بدل الكلام المعلب بتاع مش فاهمين ومش عارفين والأهلي كبير وحديد ولازم الحاقدين ولاد الكلب يحسوا ناحيته بكل ده عشان محتكر منهم كل البطولات
أخيراً
مش فاهم أبداً الجملة الفاكسة في آخر ردك دي لزمتها إيه بصراحة
فى رأيى إن جمهور الكورة قسمين قطاع منه يكره الأهلى
وقطاع أكبر منه يكره كل أندية مصر ماعدا الأهلى
وليه لأ فالأهلى فوق الجميع
محدش زملكاوى ولا اسماعيلاوى دول جمعية كارهى الأهلى
ومحدش أهلاوى دول جمعية كارهى الزمالك والاسماعيلى اللى عاملين زى اليسار الكروى
عندى اقتراح يا ريت يبحثه الأستاذ سندرل
ان وزيرة القوى العاملة والهجرة تصدر قرار بتعيين النادى الأهلى بطلا للدورى لمدة سنة مع مراعاة التجديد علشان الحكاية بقت بايخة ومش مستاهلة فرجة فضلا عن تشجيع
تحياتى يا مصرى
ههههههههههههههههههههه
سندرل
فطستني من الضحك
كلامك جبار
بجد انا مسخسخة
انت عارف انى مش بشجع حاجه محليه نا مع بتوع بره بس ده ميمنعش انى مش بحب الاهلى نهائى بالظبط زى الأكل اللى مبحبهوش و عمرى ما دوقته لكن مش بحبه كده نظام نفسى مش متفقه معاه
و مش زمالكاوية برضه بس معنديش نفسيات مع الزمالك يمكن علشان ابويا زملكاوى
بس بحس ان فى لينك حماس مع الاسماعيلى
مش بشجعه لكن لما بيبقى بيلعب حته فى القلب بترقص
:)
لا بجد الاسماعيلى بحسه الراجل الجدع ابن الحاره نظام نجيب محفوظ كده
بس اوعى بقى شوفت امبارح الاسماعيلى مع بتروجيت
3 \ صفر
للبتروجيت يا معلم الاسماعيلى كان شكله وحش يعنى
تفتكر دلوقتى عقيدتك هتتهز ؟
:)
محمد مش عارف أنا قولتلك إنت و لا قولت لمين بس رغم إني ماليش في الكورة بس مقتنع إن معظم قوى الخير و القيم و الحق هي قوى بصورة ما مضادة للنادي الأهلي لذلك رغم إني آخر مرة إتفرجت فيها على كورة مصرية كانت في كاس الأمم الأفريقية اللي فات أنا مش بحب النادي الأهلي
بالحضن يا يحيى
دايما كلامك على هوايا
دانتي
بس أنا شخصياً مبكرهش الأهلي :)
تحياتي لحضرتك يا سيدي
---
حفصة
:)
ياسمين
انت عارف انى مش بشجع حاجه محليه نا مع بتوع بره
يا بتاعة برة يا متوحشة انتِ
لا بجد الاسماعيلى بحسه الراجل الجدع ابن الحاره نظام نجيب محفوظ كده
حلو التشبيه ده
بس اوعى بقى شوفت امبارح الاسماعيلى مع بتروجيت
3 \ صفر
للبتروجيت يا معلم الاسماعيلى كان شكله وحش يعنى
تفتكر دلوقتى عقيدتك هتتهز ؟
شفت
ما هو كان من الأسباب اللي قريفتني في اليوم المنيل ده .. فاكراه ؟ :)
كان شكلنا زي الزفت طبعاً بس انتَ بتلعب من غير 12 لاعب من لاعبيك .. منهم تمانية أساسيين هما الفريق بالفعل .. وبتلاعب الفريق التالت على الدوري
ده طبعاً مش مبرر مرمطة .. إحنا فعلاً محتاجين مدير فني غير الكابتن حفني - على رأي علي مفيش مدرب محترم يبقى اسمه حفني - لكن سبب مهم مينفعش نتجاوزه
عقيدتي تتهز !!
تفتكري ؟؟
عيب عليكي
ما هي لو ميكافيلية كان الواحد شجَّع الأهلي وخلص .. على الأقل يضمن بطولتين تلاتة كل سنة
اطمني .. لسه على العهد
www.goonflash.com
the best flash games on out site
إرسال تعليق